Eto finjeva i ovo leto.
Ma je neč i drugače.
Tako ovi put za Stipanju nećemo storit rutu od Marišćine do Kastva (zbog poznatih epidemioloških razloga).
Ma da ne zataremo užancu, ćemo neč malo promenit.
Va subotu, 26.12 med 11 i pol i polne i pol, na Zviriću ćemo nazdravit za se dobro ča nas je tokalo va ovemu letu, a i za ono ča bi dobro trebalo bit va novemu.
Ako van ostane ča kolači i neč va bocah - prinesite.
Onisti ki su pozabili kade je Zvirić (ono tamo zada Kastva po onistoj šetnice), moru prit na Forticu na 10 pa ćemo pomalo krenut na Zvirić.
Onisti ki znaju kade je Zvirić moru prit drito tamo. Ako će moru i na Forticu na 10.
Nadam se da ćemo se (uz poštivanje aktualnih epidemioloških pravila) susresti i malo proveseliti (ma i proćakulat).