Tradicionalna šetnja od Pogleda do Kastva
kako i sako leto, tako smo i ovo. Od Pogleda do Kastva na Štefanje. Zeli kolači, neč da nismo žejni i dobra volja.
Lepo vreme i par dani od niš dele - jušto za par od nas ki smo prišli na Milihovo ali pak na Pogled (ili za po doma - do plina). Onako odoka nekakovih 40tak se skupa. Ča novih ča malo rabljenih.
Kako i kod svih "tradicionalnih", tako je i ovo pasalo lako - 10tak kilometri se ni oćutilo. Malo ćakule, malo ča za pojist, malo da nismo žejni.
Poznate staze kroz Lozu i Lužinu. Saki put isto, ma i malo drugače.
I zove za drugo leto. Isti put, ma opet malo drugače.
Kafe, malo ćakule, plani za novo leto, ki će kade i sa kim i to je to.
Čakemo za ponovit drugo leto, a do onda imamo plan i čuda tega za obać.